ऊंट–
ऊंट उत्सव पर विशेष
धोरां री इय्यै मुळकती धरा रो ।
जीणै रो आधार ओ ‘ लाडेसर ऊंट ।।
ऊंट नै ‘राज-पशु’ सरकार बणायो ।
माण बधण सूं लाखिणो हुयो ऊंट ।।
ऊंटा सूं सजै जद राज – दरबार ।
चोपायां मे सिरै घणों हुवै है ऊंट ।।
ऊंट नै गदीदार पग कुदरत दिया ।
धोरां मे खातो घणौ चालै ओ ‘ ऊंट ।।
घणै दिनां तक भूख – तिस सै लेवै ।
ओ’ “रेगिस्तान रो जहाज” बाजै ऊंट ।।
मेळ- मगरियां अर तीज-उत्स्वां मे ।
गोरब्ंध – गैणा सूं सजधज चालै ऊंट ।।
ब्याव -सादी ऊंट नै बाराती सजावै ।
सेना – फौज में घणा उपयोगी हुवै ऊंट ।।
ऊंट घर-समाज रो माण-सम्मान बधावै ।
मरूधर में रोजी-यातायात रो साधन ऊंट ।।
ऊंटां रा टोला रा टोला पालै है राईका ।
सीमां माथै आगै-आगै गश्त करै ऊंट ।।
धोरां री धरा रा चावा-ठावा रईस- लोग ।
सवारी री ठसकाई करण सारु राखै ऊंट ।।
जिनावरां मे सगला सूं सिरै घणों हुवै ।
मोरी रै इसारै सू ‘करतब’ दिखावै ऊंट ।।
धोरां री धरा में सैलानयां नै रिझावंण ।
सालो- साल “ऊंट-उत्सव” नै सजै ऊंट ।।
========================
नाचीज बीकानेरी मो-9680868028
